O próximo mércores, día 8 de xullo ás 20:00 horas, inaugúrase na Sala de Exposicións da Fundación Araguaney a mostra “Arte e Palabra pola Paz” que permanecerá aberta ata o 8 de setembro. O acto contará coa presenza de Don Roberto Varela Fariña, Conselleiro de Cultura e Turismo.
Os fondos recadados coa venda do libro-catálogo e as obras artísticas de “Arte e Palabra pola Paz” serán destinados a dous proxectos solidarios co pobo palestino: o programa “Vacacións pola Paz”, que fai posible que un grupo de nenos e nenas palestinos pasen a súas vacacións en Galicia, e a construción dun centro infantil no campo de refuxiados de Askar (Nablus- Cisxordania).
|
